POS-terminal vasitəsilə aparılan bu əməliyyatlar üzrə limitlər 100 manat oldu – Yeni qayda

16:57 - 3.07.2020


3 iyul, Fineko/abc.az. POS-terminal vasitəsilə PİN-kod daxil edilmədən nağdsız formada həyata keçirilən təmassız əməliyyatlar üzrə limitin 100 manat məbləğinə qaldırılması, təmassız ödənişlərin və token xidmətinin tətbiqi ilə bağlı əməliyyatların genişləndirilməsi məqsədilə birgə fəaliyyətin təşkili müzakirə edilib.

Azərbaycan Banklar Assosiasiyasından (ABA) ABC.AZ-a verilən məlumata görə, bu “Ödəniş sistemləri və rəqəmsal bankçılıq üzrə Ekspert Qrupu”nun növbəti onlayn iclasında müzakirə olunub.

Həmçinin ekspert qrupunun üzvləri tərəfindən, ödəniş kartları ilə aparılan fırıldaqçılıq əməliyyatlarının qarşısının alınması üzrə kart istifadəçilərinin intensiv qaydada məlumatlandırılması məsələsinə toxunulub.

Qeyd edək ki, hazırda POS-terminal vasitəsilə PİN-kod daxil edilmədən nağdsız formada həyata keçirilən təmassız əməliyyatlar üzrə limit 50 manat təşkil edir.

 

Вся лента