Şahdəniz yatağının hasilatı 25,3 milyard kubmetrə çatacaq - 2023-cü ildə

16:20 - 3.12.2020

3 dekabr, Fineko/abc.az. Bu gün 7-ci Beynəlxalq Enerji Forumu - Beynəlxalq Qaz İttifaqı Nazirlərinin Qaz Forumu keçirilib.

ABC.AZ xəbər verir ki, tədbirdə energetika naziri Pərviz Şahbazov da iştirak edib.

Tədbirdə Azərbaycanda bu il 38 milyard kubmetr proqnozlaşdırılan qazın 2023-cü ildə təxminən 50 milyard kubmetrə, Cənub Qaz Dəhlizinin əsas mənbəyi olan Şahdəniz yatağından illik hasilatın bu il 18,7 milyard kubmetrə, 2023-cü ildə isə 25,3 milyard kubmetrə çatacağının gözlənildiyi qeyd edilib. Bildirilib ki, indiyə qədər bu yataqdan təxminən 133 milyard kubmetr qaz çıxarılıb, 88,6 milyard kubmetrdən çox qaz ixrac edilib.

Müəllif: Elmir Murad

 

Вся лента