Bakı-Gəncə qatarının hərəkəti bərpa olunur - Qiymətlər

12:17 - 18.03.2022


18 mart, Fineko/abc.az. Sabahdan Bakı-Gəncə qatarının hərəkəti bərpa olunur.

"Azərbaycan Dəmir Yolları" QSC-dən (ADY) ABC.AZ-a verilən məlumata görə, sürət qatarında gedişhaqqı artırılıb.

Bildirilib ki, gedişhaqqı standart yerlər üçün 10 manatdan 20 manata, biznes yerlər üçün isə 25 manatdan 33 manata çatdırılıb.

"Gedişhaqları beynəlxalq məsləhətçi şirkətlərin ADY-nin maliyyə dayanıqlılığının təmin edilməsinə dair tövsiyələrinə uyğun olaraq dəyişdirilib. Bundan sonra əldə olunan gəlir artsa da, yeni tariflər hesabına xərcin yalnız bir qismini ödəmək mümkündür. Bu gün ADY sərnişindaşımada yaranan zərəri yüklərin daşınması hesabına əldə etdiyi gəlirlərlə qarşılayır", - deyə məlumatda qeyd olunur. 

Вся лента