Hazırda ABŞ-da inflyasiya həddən artıq yüksək olaraq qalır – FED sədri

01.12.2022,12:05


1 dekabr, Fineko/abc.az. Mərkəzi bankı kimi fəaliyyət göstərən ABŞ Federal Ehtiyat Sistemi dekabrın 13-14-də keçiriləcək iclasından faiz dərəcəsini 75 bənddən az artıra bilər.

ABC.AZ xəbər verir ki, bunu FED-in sədri Cerom Pauel deyib.

O bildirib ki, Mərkəzi Bankın faizlərini dekabrda 50 bənd artıracağı proqnozlaşdırılır.

Eyni zamanda, Cerom Pauel qeyd edib ki, FED-in sürətli sərt pul siyasətinin tam effekti hələ də hiss olunmur. 

Pauell vurğulayıb ki, hazırda ABŞ-da inflyasiya həddən artıq yüksək olaraq qalır.

"Qiymət sabitliyini bərpa etmək üçün hələ çox yolumuz var", - o, deyib.