Banklar valyuta hərracında tələbi 46% azaldıb

12:52 - 7.02.2023

7 fevral, Fineko/abc.az. Azərbaycan Mərkəzi Bankı (AMB) Dövlət Neft Fondunun iştirakı ilə valyuta hərracı keçirib.

AMB-nin məlumatına görə, fevralın 7-də baş tutan valyuta hərracında bankların tələbi 14,8 milyon dollar təşkil edib və tam təmin edilib. Bu, ötən hərracdan 12,7 milyon dollar (46,18%) azdır.

Hərracın yekunlarına əsasən manatın ortaçəkili məzənnəsi 1,7000 AZN / USD səviyyəsində formalaşıb.

Fevralın 2-də valyuta hərracında Mərkəzi Bank banklara 27,5 milyon dollar satıb.