Azərbaycan sosial sistemin islahatı və pensiyanın artırılması üçün beynəlxalq ekspertləri cəlb etdi

06.02.2019,17:33


6 fevral, Fineko/abc.az. Azərbaycan Respublikası Əmək və Əhalinin Sosial Müdafiəsi Nazirliyi ölkədə pensiya sisteminin islahatını davam etdirmək üçün yol xəritəsi hazırlayır.

Nazirliyin məlumatına görə, yol xəritəsi beş il müddətini əhatə edəcək.

“Nazirlikdə sistemin islahatına dair təkliflər hazırlayan beynəlxalq ekspertlər tərəfindən xüsusi işçi qrupu artıq yaradılıb”,- deyə nazirlikdən bildirildi.

Nazirlikdən xəbər verilib ki, yol xəritəsi çərçivəsində islahat proqramı pensiya sisteminin inkişafı, sistemin əhatə dairəsini genişləndirmək və pensiyaların artırılması, sosial ədalət prinsiplərinin gücləndirilməsi, o cümlədən pensiya sisteminin təkmilləşdirilməsi çərçivəsində pensiyanın minimum və orta ölçüsünü artırmağa davam etməsini nəzərdə tutur.

Hazırda Azərbaycanda 1,3 milyon pensiyaçı var. Onlardan 58,3 faizi yaşa görə, 30,1 faizi əlilliyə görə, 11,6 faizi ailə başçısını itirməyə görə pensiya alır. Ötən il əmək pensiyalarının orta aylıq məbləğində 6,8 faiz, o cümlədən yaşa görə əmək pensiyalarının məbləğində 7,3 faiz artım qeydə alınıb.