330x110
 

ARDNŞ və “Total” şirkəti “Abşeron” yatağının işlənməsi çərçivısində əməkdaşlığı müzakirə etdilər

21.12.2017,12:17


21 dekabr, Fineko/abc.az. Azərbaycan Dövlət Neft Şirkəti (ARDNŞ) və “Total” şirkəti  əməkdaşlıq perspektivlərini müzakirə etdilər.

ARDNŞ-nin məlumatında deyilir ki, şirkətin prezidenti Rövnəq Abdullayev  Fransanın “Total” şirkətlər qrupunun Cənubi Avropa və Xəzər regionu üzrə vitse-prezidenti Bernard Klementi qəbul edib.

“Görüşdə Azərbaycanla gələcək əməkdaşlıq imkanları, o cümlədən “Abşeron” qaz-kondensat yatağının işlənməsi perspektivləri barədə fikir mübadiləsi aparılmışdır”, - məlumatda belə deyilir.

Total” 2011-ci ilin sentyabrında “Abşeron” yatağında 326 mlrd. kubmetr qaz və 108 mln. ton kondensat olduğunu təsdiqləyib.

 

Açar sözlər: ARDNŞ Total