330x100
 

Xankəndindəki erməni ordusunun üç əsas nöqtəsini məhv etmişik – Hikmət Hacıyev

27.10.2020,16:31

27 oktyabr, Fineko/abc.az. "Ermənistandan fərqli olaraq Azərbaycan Ordusu heç vaxt mülki şəxsləri hədəfə almır. Xankəndi və başqa şəhərlərə baxsaq, görərik ki, Ermənistan ordusu atəş nöqtələrini, hərbi obyektləri insanların yaşadıqları yerlərdə qoyurlar, oradan da Azərbaycanı hədəfə alırlar. Bu, terrorçuların istifadə etdikləri üslubdur".

ABC.AZ report-a istinadən xəbər verir ki, bunu  Prezidentin köməkçisi Hikmət Hacıyev “Al Jazeera” kanalına müsahibəsində deyib.

O qeyd edib ki, Xankəndidə erməni ordusunun üç əsas nöqtəsi var idi: "Azərbaycan şəhərlərinə oradan raket atırdılar. Azərbaycan Ordusu həmin hərbi hədəfləri məhv etdi. Ola bilər ki, orada mülkilər arasında itkilər olsun. Lakin bu, məqsədli şəkildə edilməyib. Ermənistandan fərqli olaraq, Azərbaycan erməniləri məqsədli şəkildə bilərəkdən hədəfə almır".