09:20 - 2.03.2022

---

2 mart, Fineko/abc.az. Neftin etalon markalarının qiymətləri çərşənbə günü hərracda artmaqda davam edir.

Saat 9:07-də London ICE Futures birjasında ticarətdə Brent neftinin may fyuçersləri $5,10 (4,86%) - barrel başına $110,07-ə qədər yüksəldi. Martın 1-də keçirilən ticarətin nəticələrinə görə, may ayı üçün Brent neftinin fyuçers qiyməti $7 (7,15%) barel başına $104,97-a qalxıb.

Saat 9:08-də Nyu-York əmtəə birjasında (NYMEX) WTI-nin aprel fyuçersləri $5,10 (4,93%) - barrel başına $108,51-ə qədər artıb. Martın 1-də keçirilən hərracların nəticələrinə görə, WTI-nin aprel ayının fyuçerslərinin qiyməti $7,69 (8,03%) - barrel başına $103,41-ə qədər yüksəlib.

Ukraynada müharibənin başlaması ilə əlaqədar ABŞ, Böyük Britaniya və Avropa İttifaqı tərəfindən Rusiyaya qarşı sərt tədbirlərin tətbiqindən sonra neft bahalaşır.