Almaniya və BƏƏ qaz tədarükü üçün müqavilə imzalayıb

26.09.2022,12:23


26 sentyabr, Fineko/abc.az. Almaniya kansleri Olaf Şolz BƏƏ-yə səfəri zamanı Əmirliyin prezidenti Şeyx Məhəmməd bin Zayed Əl Nəhyan ilə enerji təhlükəsizliyi və sənayenin inkişafı haqqında saziş imzalayıb.

Bu barədə ABC.AZ xarici mətbuata istinadla xəbər verir ki, həmçinin, Abu Dhabi National Oil Company (ADNOC) neft-qaz şirkəti RWE tərəfindən Almaniyaya mayeləşdirilmiş təbii qazın (LNG) tədarükü üçün müqavilə imzalayıb.

ADNOC sınaq əməliyyatının bir hissəsi olaraq 2022-ci ilin sonunda LNG-nin ilk partiyasını təmin edəcək.

Qaz Almaniyanın şimalındakı Brunsbütteldəki üzən LNG terminalına çatdırılacaq.