16:22 - 26.05.2023

---

26 may, Fineko/abc.az. 2022-ci ildə "Azmikroinvest BOKT" şirkətinin aktivləri 8,6%, yaxud  149 min manata yaxın azalaraq  1 milyon 585 min manat təşkil edib.

ABC.AZ xəbər verir ki, BOKT-un kredit portfeli təxminən 860 min manat təşkil edir. Bu göstərici son bir ildə 28% yaxud 334 min manat azalıb.

Hesabatdan belə çıxır ki, "Azmikroinvest BOKT" vəsaitlərini yerləşdirməkdə – kredit verməkdə çətinlik çəkir. Belə ki, 2022-ci ildə BOKT-un istifadəsiz qalan pul vəsaitləri 200 min manat və ya 50%-ə yaxın artaraq 400 min manatdan 600 min manata yüksəlib. Şirkətin öhdəlikləri isə cüzidir – cəmi 27  min manata düşüb.

"Azmikroinvest BOKT" yalnız öz vəsaitləri, səhmdarların kapitala yatırdığı vəsaitlərlə işləyən azsaylı BOKT-lardandır.