10:34 - 27 İyun 2018

---

27 iyun, Fineko/abc.az. “Azəri Light” markalı neftin bir barelinin qiyməti  0,68 (0,9%) dollar yüksəlib.

Hazırda “Azəri Light” markalı xam neftin qiyməti bir barelə 76,25 dollar təşkil edir.

“Azəri Light” neftinin minimal qiyməti 2001-ci ilin dekabr ayında (19,15 dollar),  maksimal qiyməti isə 2008-ci ilin iyul ayında (149,66 dollar) qeydə alınmışdır.

Nyu-Yorkun “NYMEX” («New York Merchantile Exchange») birjasında  “WTI” markalı neftin avqust ayının fyuçersi, iyunun 26-da keçirilən ticarətin  nəticələrinə görə, keçən nəticəyə nisbətən (iyunun 25-də – 68,08 dollar) 2,45 dollar yüksələrək  70,53  dollar/barelə təşkil edib.

“ICE” birjasında (InterContinental Exchange Futures) “Brent” markalı neftin avqust fyuçersinin qiyməti, 26 iyun tarixli ticarətin nəticəsində, ötən yekuna  nisbətən (25 iyun – 74,73 dollar) 1,58 dollar (2,12%)  bahalaşaraq bir barelə 76,31 dollar təşkil edib.

Neftin “Brent” və “WTI” markaları  arasındakı qiymət fərqi  daha da azaldı və 26 iyun tarixli ticarətin  nəticələrinə əsasən 5,78 dollar / barelə təşkil edir.