Azərbaycanın mənfəət və zərərlə işləyən futbol klubları - SİYAHI

14:25 - 1.06.2023

1 iyun, Fineko/abc.az. Azərbaycanda 2022-ci ilin nəticələrinə görə, mənfəət və zərərlə işləyən futbol klubların adları açıqlanıb.

ABC.AZ xəbər verir ki, 2022-ci ildə premyer-liqadakı 10 klubdan 6-sı mənfəətlə işləyib, 4-ü isə zərər edib.

Ötən il ən böyük mənfəəti "Qarabağ" klubu əldə edib. Belə ki, hesabat dövründə 3,3 milyon manat mənfəət əldə edən ağdamlılar 2021-ci ildə 3,6 milyon manat zərər etmişdi.

Mənfəətin həcminə görə, ikinci yeri yeni yaranmış, amma sürətlə böyüməkdə olan "Sabah" futbol klubudur. Belə ki, klub 2021-ci ildə zərər etsə də, 2022-də 597 min manat mənfətə çıxmağı bacarıb.

"Neftçi"də isə əksi olub. Klub 2021-ci ildə 1,9 milyon manat mənfəət əldə etdiyi halda, 2022-ci ildə 416 min manat zərər edib.