15:37 - 20.11.2019

---

20 noyabr, Fineko/abc.az. 2019-cu ilin yanvar-oktyabr aylarında ölkədə fəaliyyət göstərən müəssisə, təşkilat və fərdi sahibkarlar tərəfindən 65,4 milyard manatlıq ümumi daxili məhsul istehsal edilib. Bu, ötən ilin eyni dövrü ilə müqayisədə 2,1 faiz çoxdur.

ABC.AZ Dövlət Statistika Komitəsinə istinadən xəbər verir ki, göstərilən dövrdə məhsula və idxala xalis vergilər ÜDM-in 9 faizini təşkil edib. Əhalinin hər nəfərinə düşən ÜDM 6609,6 manat olub.

2019-cu ilin yanvar-sentyabr aylarında büdcə gəlirlərinin əsas hissəsini təşkil edən vergilərin həcmində artım müşahidə edilib. Aksiz vergisi üzrə daxilolmalar 2018-ci ilin ilk 10 ayı ilə müqayisədə 23 faiz artaraq 669,9 milyon manata çatıb. Xarici iqtisadi fəaliyyətlə bağlı vergilər isə 20 faiz artıb. Əlavə dəyər vergisinin ümumi məbləği 18 faiz artyaraq 3 milyard 756,87 milyon manata çatıb. Əmlak vergisi üzrə 16 faiz, hüquqi şəxslərin mənfəət (gəlir) vergisində isə 7 faizlik artım qeydə alınıb.

Müəllif: Elmir Murad