Bu şəhid ailələrinə maddi köməklik edilir - "YAŞAT" rəhbərindən açıqlama

08.12.2021,15:03


8 dekabr, Fineko/abc.az. Azərbaycanın ilk şəhidindən son şəhidinə, ilk müharibə əlilindən sonuncuya qədər “YAŞAT” Fondunun vəsaitlərindən yaralana bilər.

ABC.AZ-ın məlumatına görə, bunu “YAŞAT” Fondunun 1 illiyi ilə əlaqədar keçirilən mətbuat konfransında Fondun rəhbəri Elvin Hüseynov bildirib.

O qeyd edib ki, tibb istiqaməti üzrə artıq 6 aydan çoxdur ki, I Qarabağ müharibəsi şəhidlərinin ailə üzvləri və müharibə iştirakçıları da bizə müraciət edirlər və onların tibbi xərcləri ödənilir.

"Artıq məişət şəraitinin yaxşılaşdırılması ilə bağlı da həmin kateqoriyadan olan şəxslərə köməklik olunur. Aylıq gəliri 500 manatdan aşağı olan şəhid ailə üzvlərinə kömək edilir", - Elvin Hüseynov deyib.

Müəllif: Elmir Murad