17:50 - 18.12.2017

---

18 dekabr, Fineko/abc.az. İlin əvvəlindən  Azexport.az portalına dünyanın 71 ölkəsindən 444.6 milyon dollar məbləğində ixrac sifarişləri daxil olub, yalnız noyabr ayında 47,3 milyon dollar məbləğində  sifarişlər daxil olub.

İqtisadi İslahatların Təhlili və Kommunikasiya Mərkəzinin məlumatında deyildiyi kimi,  cari ilin yanvar-noyabr ayları ərzində 1824 subyekt tərəfindən 1 milyard 387 milyon dollar məbləğində ixrac əməliyyatları həyata keçirilib.

“2016-cı ilin müvafiq dövrü ilə müqayisədə qeyri-neft sektoru üzrə ixracın 22 faizdən çox artıb. 2017-ci ilin 11 ayı ərzində ən çox qeyri-neft məhsullarımız Rusiya Federasiyasına ixrac edilib. Belə ki, cari ilin 11 ayı ərzində Rusiyaya 498 milyon, Türkiyəyə 264 milyon, İsveçrəyə 133 milyon, Gürcüstana 120 milyon və İtaliyaya 52 milyon ABŞ dolları dəyərində qeyri-neft sektoruna aid mal ixrac olunub”, - məlumatda belə deyilir.