Ötən il bu qədər ipoteka krediti verilib - Hesabat

05.01.2022,12:26


5 yanvar, Fineko/abc.az. 2021-ci il ərzində Azərbaycanda İpoteka və Kredit Zəmanət Fondunun (İKZF) xətti ilə banklar 354,402 mln. manat həcmində 5 270 ipoteka krediti verib.

ABC.AZ-ın məlumatına görə, sözühedən dövrdə verilən kreditlərin həcmi 2020-ci il ilə müqayisədə 41,5%, sayı isə 46,3% artıb.

Zəmanət verilmiş kreditlərin ümumi məbləği isə ötən il ərzində 9,3 dəfə azalaraq 17,378 mln. manat təşkil edib.

Təkcə dekabr ayında İKZF xətti ilə 28,317 mln. manatlıq 373 ipoteka verilib.

Bu da noyabr ayı ilə müqayisədə məbləğ ifadəsində 24,2% say ifadəsində isə 20,3% çoxdur.

Zəmanət verilmiş kreditlərin ümumi məbləği 13,4 mln. təşkil edib.

Bu da aylıq müqayisədə 119,6 dəfə çoxdur.