“Maxi.az” mağazalar şəbəkəsi irqçilikdə ittiham olunur

24.05.2022,14:59


24 may, Fineko/abc.az. “Maxi.az” mağazalar şəbəkəsinin son reklam çarxı sosial şəbəkələrdə müzakirələrə səbəb olub.

ABC.AZ Qafqazinfo-ya istinadən xəbər verir ki, Afrikanın azadlıq gününə həsr olunan çarxda aparıcı Xose Bernardo çəkilib.

Bayramla əlaqədar müştərilərə seçilmiş qara rəngli məhsullara 50 faiz endirim təklif edilir. Sosial şəbəkə istifadəçiləri isə reklamı birmənalı olaraq qarşılamayıblar.

Onlar şirkəti irqçilikdə ittiham edərək tənqid ediblər.

Qeyd edək ki, BMT-nin qərarı ilə 25 may Afrika İttifaqına üzv ölkələri tərəfindən Afrika günü qeyd edilir. Bu tarix daha əvvəl Afrikanın Azadlığı Günü kimi qeyd olunub.