"Trendyol" bu ölkədə böyümək istəyir - Müqavilə imzalandı

27.10.2022,16:59


27 oktyabr, Fineko/abc.az. Türkiyənin "Trendyol" elektron ticarət platforması ilə Səudiyyə Ərəbistanının pərakəndə ticarət şirkəti "Fawaz Alhokair Group" arasında əməkdaşlıq müqaviləsi imzalanıb.

ABC.AZ-ın məlumatına görə, bu barədə "Trendyol"un yazılı açıqlamasında qeyd edilib. Müqavilə Türkiyənin xəzinə və maliyyə naziri Nurəddin Nebatinin başçılıq etdiyi nümayəndə heyətinin və Səudiyyə Ərəbistanının maliyyə naziri Məhəmməd bin Abdullahın iştirakı ilə keçirilən tədbirdə imzalanıb.

Müqavilə çərçivəsində "Trendyol" Türkiyədə istehsal olunan məhsulları Səudiyyə Ərəbistanı bazarındakı müştərilərə çatdıracaq; fiziki mağaza da daxil olmaqla Səudiyyə Ərəbistanında inkişaf üçün digər imkanlar üzrə "Fawaz Alhokair Group" ilə əməkdaşlıq edəcək.