Medvedev: Qərb SWIFT ilə əlaqəni kəsməklə Rusiya vətəndaşlarına zərər vermək istəyirdi

30.06.2022,17:11


30 iyun, Fineko/abc.az. Qərb ölkələri sıravi Rusiya vətəndaşına zərər vurmaq üçün Rusiya banklarının beynəlxalq ödəniş sistemlərindən istifadəsinə qadağa qoyub.

ABC.AZ xəbər verir ki, bunu Rusiya Təhlükəsizlik Şurasının sədr müavini Dmitri Medvedev bildirib.

Medvedev X Sankt-Peterburq Beynəlxalq Hüquq Forumunun plenar iclasında deyib: “Məsələn, hamı başa düşür ki, Rusiya vətəndaşlarının beynəlxalq ödəniş sistemlərindən istifadəsinə qadağa qoyulması qanunla desək, adi Rusiya vətəndaşına qəsdən zərər vurmaqdır”.

Siyasətçinin fikrincə, sanksiyaların məqsədi sadədir - Rusiyanın "çox sayda vətəndaşına mümkün qədər ağrılı zərər vermək".