14:42 - 7.06.2023

---

7 iyun, Fineko/abc.az. Bakı Fond Birjasında 2023-cü ilin yanvar-may ayları ərzində qiymətli kağızlar üzrə keçirilən əməliyyatların ümumi həcmini açıqlayıb.

BFB-dən ABC.AZ-a daxil olan məlumata görə, sözügedən aylarda qiymətli kağızlar üzrə əməliyyatların həcmi 6,334,402,343 manat təşkil edib.

Nəticə olaraq, ötən ilin müvafiq dövrü ilə müqayisədə korporativ qiymətli kağızaların ilkin bazarı üzrə ticarət həcmində 24%, korporativ qiymətli kağızların təkrar bazarı üzrə isə 32% böyümə qeydə alınıb.

Repo əməliyyatları üzrə isə 16% artım olub.

O cümlədən, ötən il ilə müqayisədə korporativ qiymətli kağızların repo əməliyyatların bazarı üzrə 11 dəfə artım qeydə alınıb. 2023-cü ilin may ayının son ticarət günü üzrə səhm bazar kapitalizasiyası 4,633,122,603 manat təşkil edib.

Müəllif: Elmir Murad