Maliyyə Nazirliyi 30 milyon manatlıq DQİ yerləşdirdi

20.08.2019,17:21


20 avqust, Fineko/abc.az. Azərbaycan Maliyyə Nazirliyi Bakı Fond Birjası (BFB) vasitəsilə dövlət qısamüddətli istiqrazların (DQİ) satışını həyata keçirib.

BFB xəbər verir ki, avqustun 20-də Bakı Fond Birjasında Azərbaycan Respublikası Maliyyə Nazirliyinin AZ0104008740 ISIN-li, 30 milyon manat həcmində, 364 gün tədavül müddətli dövlət qısamüddətli istiqrazlarının (DQİ) yerləşdirilməsi üzrə hərrac keçirilmişdir.

Hərrac zamanı 10 investor tərəfindən qiyməti intervalı 92.6302 AZN (8.00%) və 94.3866 AZN (5.98%) olan 21 sifariş təqdim edilmişdir.

Maliyyə Nazirliyinin qərarına əsasən istiqrazların kəsmə qiyməti 93.9281 AZN (6.5%), orta ölçülmüş qiyməti 93.9844 AZN (6.43 %) müəyyən edilmişdir. Sifarişlərin nominal qiymətlə ümumi məbləği 94 869 400.00 AZN yerləşdirilmiş həcmi isə 30 mln. manat təşkil edilmişdir.

İstiqrazların ödəmə tarixi 18 avqust 2020-ci  il.