Bu ada turistlərə qapısını açdı – Sentyabrdan getmək olacaq

10:17 - 7.07.2020

7 iyul, Fineko/abc.az. İndoneziyanın turizm mərkəzi olan Bali adası koronavirus pandemiyası ilə bağlı uzun müddətdir tətbiq edilən məhdudiyyətlərdən sonra sentyabr ayından əcnəbi turistlərin üzünə açılacaq.

ABC.AZ-ın məlumatına görə, bu barədə ölkənin “Jakarta Post” qəzeti yazıb.

Bali əyalətinin qubernatoru İ Vayan Koster bölgədəki fəaliyyətlərin üç mərhələdə bərpa ediləcəyini açıqlayıb. Mövcud plana görə, yerli turistlər adaya iyul ayının 9-dan, əcnəbi turistlər isə sentyabrın 11-dən gələ biləcəklər.

Qeyd edək ki, indiyədək Balidə COVID-19 virusuna 1 849 nəfər yoluxub, 20 nəfər ölüb.

Müəllif: Elmir Murad

 

Bütün xəbərlər