330x100
 

ABŞ İrana qarşı sanksiyaları sərtləşdirəcək – Detallar

16.11.2020,10:08


16 noyabr, Fineko/abc.az. Amerika Birləşmiş Ştatları gələn həftə İrana qarşı sanksiyaları sərtləşdirmək niyyətindədir.

ABC.AZ xəbər verir ki, bu barədə ABŞ-ın dövlət katibi Mayk Pompeo adından yayılan yazılı açıqlamada qeyd olunub.

Sözügedən bəyanat tipli açıqlamada qeyd olunub ki, bir il əvvəl İran şəhərlərindəki nümayişlərdən sonra, rəsmi Tehran həyata keçirdiyi repressiyaların izlərini senzura, hədə-qorxu yolu ilə gizlətməyə çalışıb və internetə tam məhdudiyyət qoyub.

Amerika diplomatiyasının rəhbəri hesab edir ki, İran tərəfi həmin həftə ərzində törədilən cinayətlərlə bağlı müstəqil istintaq aparmaqdan hələ də imtina edir.