BDU-nin rüşvət istəyən müəllimi işdən çıxarıldı

16:57 - 20.06.2022

20 iyun, Fineko/abc.az. Tələbələrdən 3-5 min manat rüşvət tələb etməkdə ittiham olunan BDU-nun Beynəlxalq münasibətlər və iqtisadiyyat fakültəsinin müəllimi Sədaqət Əhmədova işdən azad olunub.

ABC.AZ xəbər verir ki, bu barədə Universitetin Mətbuat xidmətindən məlumat verilib.

Bildirilib ki, Sədaqət Əhmədovanın əmək müqaviləsinə xitam verilib.

Qeyd edək ki, sosial şəbəkələrdə BDU-nun Beynəlxalq münasibətlər və iqtisadiyyat fakültəsinin müəllimi Sədaqət Əhmədovaya məxsus səs yazısı yaylmışdı. Səs yazısında müəllimin birinci imtahandan keçmək üçün 3-5 min manat arası pul tələb olunduğu deyilirdi.

Bütün xəbərlər